Акциите на европските банки се покажаа нестабилни во понеделник наутро, бидејќи инвеститорите и понатаму се загрижени за пошироките прашања што започнаа со колапсот на SVB во Америка.
Голем пад беше забележан во почетокот на тргувањето во германската Deutsche banк и француската BNP Paribas, иако акциите повратија одредени загуби. BNP сè уште е во пад за околу 5 отсто, а Deutsche Bank за 6 отсто.
Оваа остра распродажба на европските акции следи слична шема за време на тргувањето во понеделникот во Азија.
Акциите на банката во центарот на приказната – UBS – паднаа значително, за повеќе од 60 отсто. Погодени беа и британските банки (Standard Chartered, HSBC и Barclays), чии акции паднаа за 2,9%, што е дополнителен пад по минатата недела.
Во меѓувреме, шесте најголеми централни банки во светот работат заедно за да го одржат протокот на кредити преку поттикнување на приливот на американски долари.
UBS, која сега е единствената глобална банка во Швајцарија, забележа голем пад на вредноста како и другите големи банки во Лондон, Париз и Франкфурт.
Швајцарските власти принудија спас на Credit Suisse откако тој претрпе серија проблеми од висок профил во последниве години што ги поттикна инвеститорите да почнат да ги префрлаат своите пари од швајцарската банка.
Францускиот министер за финансии е меѓу оние креатори на политики кои го поздравија преземањето како добар бизнис, но рече дека останува крајно претпазлив за реакцијата на пазарот.