Поплавите ја откажаа трката во Имола

Ф1
Ф.З.
/ 17.05.2023 / 14:52

Раководството на Формула 1 ја откажа шестата трка од првенството поради поплавите кои го зафатија регионот во Италија каде што се наоѓа патеката „Енцо и Дино Ферари“ во Имола.

Обилните дождови во последните 24 часа предизвикаа излевање на повеќе од десет реки од нивите корита, додека црвениот аларм за поплави и одрони останува во сила и овој викенд.

Поплавите доведоа до тоа многу локални жители да ги напуштаат своите домови, додека во тек е акција за собирање средства за помош на загрозените.

Формула 1 му наложи на персоналот во падокот кој поставува гаражи и угостителски единици да ја напушти патеката во вторникот попладне како мерка на претпазливост поради заканата од поплави од соседната река Сантерно.

По разговорите денеска наутро со властите и промоторот на трката за Големата награда на Емилија-Ромања, официјалните лица на шампионатот одлучија дека трката не може да безбедно да се одржи.

„Таква трагедија е да се види што се случи со Имола и Емилија-Ромања, градот и регионот во кој пораснав, а моите мисли и молитви се со жртвите од поплавите и со погодените семејства и заедници“, рече Стефано Доменикали, извршен директор на Формула 1.

„Сакам да ја изразам мојата благодарност и восхит кон неверојатните служби за итни случаи кои неуморно работат за да им помогнат на оние на кои им е потребна и да ја олеснат ситуацијата - тие се херои и цела Италија е горда на нив“.

„Одлуката што е донесена е вистинска за сите во локалните заедници и семејството на Ф1 бидејќи треба да обезбедиме безбедност и да не ставаме дополнителен товар на властите додека тие се справуваат со оваа многу ужасна ситуација“.

„Заедницата на Формула 1 сака да ги испрати своите мисли до луѓето и заедниците погодени од неодамнешните настани во регионот Емилија-Ромања“, се вели во официјалното соопштение на Формула 1.

„Исто така, сакаме да оддадеме признание на она што го работат службите за итни случаи кои прават сѐ што можат за да им помогнат на оние на кои им е потребна“.

„По разговорите меѓу Формула 1, претседателот на ФИА, надлежните органи вклучувајќи ги релевантните министри, претседателот на Автомобилскиот клуб на Италија, претседателот на регионот Емилија-Ромања, градоначалникот на градот и промоторот, беше донесена одлуката да не продолжи викендот во Имола“.

„Одлуката е донесена затоа што не е можно безбедно да се одржи трката за нашите навивачи, тимови и нашиот персонал и тоа е правилно и одговорно нешто да се направи со оглед на ситуацијата во која се наоѓаат местата и градовите во регионот. Не е во ред да се врши дополнителен притисок врз локалните власти и службите за итни случаи во овој тежок момент“.

URL

Ова е втора откажана трка во овогодинешниот календар на која требаше да има 24 трки, но поради откажувањата на трките во Шангај и Имола, бројот на трки падна на 22, исто колку и во 2021 и 2022 година.

реклама

Кардиолог споделува навика која го спречува создавањето на згрутчувања во крвта

Read more

Експертите ги избраа најдобрите половни автомобили

Read more

Кој е човекот кој денеска го мрази цела Хрватска: Ова не му е прв скандал

Read more

Голем неделен хороскоп од 24 до 30 јуни

Read more

Ф1

McLaren Senna постави нов рекорд на патеката каде Аиртон ја имаше најголемата победа

Read more

Возачи што најдолго чекаа на својата прва победа во Ф1

Read more

Семејството Шумахер доби оштета за лажното интервју

Read more

Норис во солзи ја прослави првата победа во кариерата оставајќи го Верстапен зад себе

Read more
 

Спорт

Кој е човекот кој денеска го мрази цела Хрватска: Ова не му е прв скандал

Читај повеќе

Голем кикс на Бразил на стартот на Копа Америка

Читај повеќе

Скока бројот на срцеви удари за време на натпревари

Читај повеќе

Дали 16-годишниот Јамал ќе смее да игра по 21 часот?

Читај повеќе

Џорџ и Томпсон си одат од ЛА Клиперс и Голден стејт

Читај повеќе

Коефициентот за нерешено вртоглаво паѓа, сомнеж во регуларноста на натпреварите на ЕУРО

Читај повеќе
  • play_arrow

Заслужен црвен картон: Брутален старт на Копа Америка

Читај повеќе

Копа Америка: Мексико славеше, го видовме и првото големо изненадување

Читај повеќе

Навивач на ЕУРО платил 60 евра за да гледа во столб

Читај повеќе