Доколку не сте задоволни од вкусот на палачинките, веројатно правите вообичаена грешка при подготовката на смесата.
Имено, на 500 милилитри млеко треба да додадете две јајца и 300 грама брашно. Токму во овој сооднос лежи тајната на совршениот вкус.
Потребни состојки:
- 2 јајца
- 500 мл млеко
- 300 гр брашно
- прстофат сол
- 2 лажици масло
- ¼ лажичка сода бикарбона (по избор)
- еурокрем, џем или мед
Подготовка:
Во сад ставете ги сите наведени состојки и убаво измешајте. Оставете ја смесата да отстои на собна температура околу половина час.
Загрејте ја тавата на максимална температура и премачкајте ја со масло. Внимавајте да не претерате со маслото. Печете палачинки на средна температура. Премачкајте ги со еурокрем, џем, мед или која било друга состојка по желба.
