Најновата верзија на популарната текстуална апликација Notepad доби функции познати од Word, откако претходно беше овозможено користењето на темниот режим и некои други нови опции.
Компанијата Microsoft додаде нови функции на една од своите најстари апликации, која е составен дел на сите нејзини оперативни системи веќе 41 година, од 1983 година. Тоа е популарниот текстуален процесор Notepad, чија прва верзија 1.0, инаку, е постара од самиот Windows и официјално „родена“ во ноември 1985 година.
Најновата верзија на популарната апликација доби функции познати од Word, како „Spellcheck“ (Проверка на правопис) и „Autocorrect“ (Автоматска корекција), па сега може да го проверува правописот на напишаниот текст и автоматски да ги коригира правописните грешки.
Проверката на правописот во Notepad е речиси идентична со начинот на кој Word или интернет прелистувачот Edge ги означува погрешно напишаните зборови, односно е подвлечена со црвена линија која јасно ја означува грешката и нејзиното место во текстот.
Се разбира, опцијата за проверка на правописот во Notepad може да се исклучи во поставките. А, кога е вклучена, автоматската корекција автоматски ги коригира печатните грешки, освен ако не ја оневозможите во поставките.
Microsoft објави и започна со тестирање на две нови функции во март. Претходно, Notepad веќе го овозможи користењето на Dark Mode, функцијата Find and Replace, бројачот на внесени знаци, јазичиња, како и интеграција и користење на chatbot на Microsoft Copilot AI.
А, доколку сте еден од честите корисници на популарниот текстуален процесор, а вашиот Notepad сè уште нема овозможено ниту една од горенаведените функции и опции, тоа значи дека немате инсталирано Windows 11 на вашиот компјутер, бидејќи новите функции не се достапни за постарите верзии на тој оперативен систем.
