Sony не направи многу со PlayStation франшизите, ако не ја сметаме играта Uncharted: Fortune Hunter, но тоа би можело да се смени наскоро.
Sony ангажира нови луѓе во PlayStation Studios кои ќе се фокусираат на тоа да ги донесат најпопуларните PS франшизи на мобилните уреди. Наслови и рокови сè уште не се спомнуваат.
Sony веќе се обидуваше да го поврзе брендот PlayStation со мобилните телефони, но немаше голем успех. Станува збор за многу мал број игри, а најголемиот проект на Sony досега е Xperia Play, „PlayStation мобилен телефон“ кој беше пред своето време, но сепак беше неуспешен.
Фактот што Sony има намера да се фокусира на мобилните телефони не е изненадување, бидејќи на овој начин брендот PlayStation ќе добие многу поширока публика и поголем профит од продажбата во апликации.
Игри како Fortnite, PUBG и Roblox им го должат успехот токму на оние кои ги играат преку мобилни телефони.
Сепак, Sony чека предизвик бидејќи мора да се прилагоди на мобилните гејмери без да го изгуби она што е посебно во играњето на конзола.
