Доделувањето на наградите Еми ја отвори расправата околу тоа кои серии заслужија да ја добијат оваа награда, но во минатото тоа никако не им успеваше.
Кога и да се доделува некоја награда, многу луѓе остануваат разочарани од изборот. Доделувањето на наградите Еми отвори дебата за оние кои ја заслужиле оваа награда, но никако не успеале да ја освојат.
Многу голем број на актери, кои оставаа силно влијание на публиката се номинирани и по неколку пати, но никако не успеваа да дојдат до наградите.
Улогата Саманта во серијата „Sex and city“ и донесе голема популарност на Ким Катрал. Таа пет пати беше номинирана, но никогаш не освои награда. Серијата само еднаш доби награда во 2004 година, кога Сара Џесика Паркер и Синтија Никсон беа наградени како најдобра актерка и најдобра споредна актерка.
Хју Лори е познат по својата одлична улога во серијата „Doctor Hause“. Тој е номиниран шест пати досега, но не е награден, како ниту Стив Карел, кој во улогата на Мајкл Скот беше брилијантен во серијата „Office“.
Во серијата „Seinfeld“, во верзијата во која се глуми самиот себеси, Џери Сајнфелд, исто така го привлече вниманието кај публиката и предизвика симпатии, но не доби награда иако пет пати беше номиниран.
Од друга страна, голем број на серии никогаш не беа ниту номинирани за награда иако оставија силен впечаток.
„Freaks and Greeks“ се емитуваше само една сезона, но за оваа серија се зборуваше како за една од подобрите на телевизија. И покрај тематиката за предградијата во Америка и познатата екипа, серијата не доби ниту една номинација.
Веројатно најдрастичен пример е „Wire“. Тоа беше една од најгледаните програми на HBO, меѓутоа остана без награди.
Култната комедија „Party Down“, или реалистичните затворски приказни во серијата „Oz“, исто така се сметаат за оштетени.
Сепак, до кога и да се доделуваат вакви награди, секогаш ќе постојат спротивставени мислења околу тоа кој повеќе ја заслужува наградата, а оваа листа секој може да си ја прошири во рамките на сопствениот вкус.