Македонија

Поради болки Марко се откажа од намерата да го преплива Охридското Езеро

28. август 2019 - 10:01 | МИА
Охрид, 28 август 2019 (МИА) – Малиот Марко Пејчиновски не успеа во обидот да исплива 64 километри. По 4 часа и 49 минути и минати 11 километри тој поради болки во ногата беше принуден да се откаже од намерата да го преплива целото Охридско Езеро.

Но, независно откажувањето, самата негова намера да плива за подигнување на јавната свест и поголема грижа за лицата со ретки болести е демонстрација на решителност и борбеност како карактеристики за големи луѓе каков што е малиот Марко.

Минатата година Марко Пејчиновски го преплива Охридското Езеро од Свети Наум до Охрид и стана најмладиот пливач во историјата кој успеал да направи таков подвиг.

Неговиот подвиг е дотолку поголем што Марко има доживеано инфаркт на коска на долните екстремитети. 

Коментирај