Русинката Наталија Анјтук остана без златниот медал освоен на Олимписките игри во Лондон, по дисквалификација на резултатите, пренесе Reuters.
Во 2012 година таа успеа да стигне до најголемото признание во дисциплина од 400 метри со пречки, но резултатот беше поништен поради допинг.
Судот за спортска арбитража ги поништи сите резултати остварени во периодот од јули, 2012 година до јуни, 2013 година. Сега, златото отиде во рацете на Американката Лашинда Демус, која во Лондон беше второпласирана.
По тој редослед, сребрениот медал сега припадна на Зузана Хејнова од Чешка, а бронзата на Калесе Спенсер од Јамајка.
Инаку, Русинката веќе служи четиригодишна казна, казнета е до 2025 година. Има освоено бронза на 400 метри во 2004 година, како и сребро во 2008 година.
