Илон Маск „не знае што прави“ со Twitter и ги „возбудува сите“, рече поранешниот извршен директор на компанијата, откако големите брендови го паузираа своето рекламирање на платформата, а компанијата отпушти илјадници вработени.
Брус Дејсли, потпретседателот на Twitter за Европа, Блискиот Исток и Африка од 2015 до 2020 година, изјави дека е погоден од недемократските промени на Twitter и дека без двоумење ќе ја напушти платформата доколку има добра алтернатива, пренесува The Guardian.
„Мислам дека Илон мислеше дека ќе дојде и ќе среди сè, но многу брзо ќе сфати дека тоа е многу покомплицирано“, изјави тој за подкастот за The News Agents викендов.
„Тоа е прилично очигледно од секоја јавна акција што ја презема со целата оваа аквизиција: тој не знае што прави“, додаде тој.
Дејсли, кој беше главен извршен директор на Twitter во Лондон, исто така го критикуваше планот на Маск да им наплаќа на корисниците 8 долари месечно за симболот за верификација, сината прица.
За Observer изјави дека Маск ја заменува „легитимноста на проверените извори“ за „џепарлак“.
„Фактот дека немаме право на тоа е недемократски“, рече тој.
Острата критика доаѓа откако Маск воведе низа промени на Twitter кои предизвикаа загриженост за неговиот пристап кон дезинформации и говор на омраза.