Поранешната манекенка Ејми Дорис тврди дека американскиот претседател Доналд Трамп сексуално ја малтретирал во 1997 година, пренесе Guardian.
Наводниот инцидент се случил во текот на турнирот на УС Опен во 1997 година, а Дорис тврди дека Трамп ја допирал и бакнувал. Непријатниот настан се случил пред тоалетот на ВИП ложата на Трамп во Њујорк, на 5 септември 1997 година. Дорис тогаш имала 24 години и тврди дека Трамп цврсто ја држел така што не можела да избега.
„Ме бакнуваше, а јас го туркав. Цврсто ме држеше и ме допираше по задникот, градите, грбот. Не можев да се ослободам. Мислам дека со забите го повредив неговиот јазик додека се обидував да се ослободам“, изјави Дорис.
Трамп преку адвокатите ги отфрли сите обвинувања.
Дорис сега живее на Флорида, а сите докази за средбата со Трамп, меѓу кои и билетот за УС Опен и заеднички фотографии со Трамп, кој тогаш имал 51 година и бил во брак со втората сопруга Марла Мејплс.
Нејзините тврдења ги потврдуваат и луѓето на кои им се доверила за споменатиот инцидент. Меѓу нив се нејзината мајка и пријател, на кои им кажала неколку дена по инцидентот. За непријатниот настан зборувала и со нејзиниот терапевт.
Дорис денеска има 48 години и е мајка на две ќерки. По споменатиот напад Трамп повеќе не ја нападнал, но се обидувал да оствари нешто со неа иако таа го одбила.