Никола Пилиќ, хрватски тениски стручњак, зборуваше за Новак Ѓоковиќ и односот на странската јавност кон него, особено оние од Западот.
Човекот со кого српскиот тенисер помина дел од тинејџерските години на академијата во Германија, застана во одбрана на Ѓоковиќ од критичарите.
„На посебен начин го погоди Западот. Според западните сфаќања, нивото што го достигна требаше да биде за некој од западниот цивилизациски круг. И сега некој доаѓа од мала земја и суверено доминира со спортиот свет“, вели Пилиќ за Večernji list.
Искусниот стручњак се осврна на ситуацијата со УС Опен во 2020 година, кога Новак беше дисквалификуван среде натпревар бидејќи ненамерно го удри во вратот линискиот судија.
„Доколку Федерер го направеше она што го направи Ѓоковиќ на УС Опен минатата година, сигурно немаше да го дисквалификуваат. Им пречи што тој е најдобар“.
Што се однесува до дебатата за тоа кој е најголемиот тенисер на сите времиња, Пилиќ сега, за разлика од пред две години, не сака да ја држи устата затворена.
„Ѓоковиќ е феноменален, тој е голем работник, чесен и вреден. Во 2019 година, српските новинари ме тераа да кажам дека Новак е најдобар. Не сакав да го кажам тоа додека не го освоеше Вимблдон годинава. Денот кога го стори тоа, ги извадив бројките на маса: има ист број Грен слем турнири како Надал и Федерер, со подобар меѓусебен скор, веќе оди на 350 недели на врвот на АТП листата, освои најмногу мастерс титули, единствен е кој го освоил најмалку двапати секој Грен слем, никој не стигнал до 17.000 АТП поени, на листа каде Мари, Надал и Федерер заедно немаат како него“, вели Пилиќ и подвлекува:
„Не ме интересира на која страна сте во политиката, туку што сте направиле. Новак е многу интелигентен. Погледнете во Пекинг како на кинески ја поздравуваше публиката, во Париз зборуваше совршено француски, а исто така и во Италија и САД“.
Новак никогаш не ги криеше симпатиите кон другите спортисти од Хрватска и репрезентациите на таа земја.
„Кај нас тоа малку е нормално. Кај нормалните луѓе тоа е нормално. Новак навива за фудбалска репрезентација на Хрватска. Значи, кој седум години ќе биде прв во светот? Таква доминација на тениските великани како Ѓоковиќ, Надал и Федерер никогаш нема да се случи“, објасни поранешниот селектор на Дејвис куп репрезентацијата на Србија.
