YouTube го отстрани официјалниот канал на сајтот за возрасни Pornhub, кој го користи за промовирање на своите видеа.
Овој потег доаѓа осум години откако Pornhub го отвори својот профил на платформата YouTube. Пред да биде симнат во петокот, официјалниот канал Pornhub имаше повеќе од 900.000 претплатници.
Каналот првпат беше лансиран во декември 2014 година. Сега URL-адресата на каналот покажува грешка 404 („не е пронајдена“) на интернет.
Според YouTube, Pornhub ја прекршил политиката на видеоплатформата кога станува збор за линкови до надворешни страници кои имаат содржина што не е дозволена на самиот YouTube.
Pornhub's YouTube Channel banned over violations of policies https://t.co/Sr1yrmjVUE pic.twitter.com/d0gqyNky6r
— MobileSyrup (@MobileSyrup) December 19, 2022
Официјален претставник на MindGeek, кој е сопственик на Pornhub, рече дека компанијата „жестоко ги негира“ наводите дека нејзината содржина на YouTube имала линкови до порнографски страници.
„Pornhub ги имплементира апсолутно најдобри мерки за доверба и безбедност на интернет и особено се грижи да не прекрши ниту едно од упатствата на YouTube“, се вели во соопштението на компанијата.
„За жал, ова е само најнов пример за дискриминација на оние во индустријата за возрасни, тренд кој се гледа на социјалните мрежи и во сите други аспекти од животот, особено кога групите неискрено ги мешаат содржините за возрасни со експлоатација.“
