Севернокорејските војници кои се приклучија на воениот фронт во Украина во име на Русија, за првпат имаат непречен пристап до интернет и го користат за гледање огромни количини порнографија, се вели во сведочењето на новинар, кое Пентагон не го потврди.
Војниците од Северна Кореја за првпат се приклучија на битката во Украина во понеделникот, но наводно почнале да се борат со различни демони пред да стапнат на борбено поле, се вели во извештајот.
Тие војници се ангажирани во битка откако им беше даден бесплатен пристап до интернет, според дописникот на Financial Times.
„Извор што го сметам за доверлив ми кажува дека севернокорејските војници распоредени во Русија никогаш претходно немале непречен пристап до интернет. Како резултат на тоа, тие претеруваат со порнографијата“, напиша колумнистот за надворешни работи на Financial Times, Гидеон Рахман, во објава на X.
A usually reliable source tells me that the North Korean soldiers who have deployed to Russia have never had unfettered access to the internet before. As a result, they are gorging on pornography.
— Gideon Rachman (@gideonrachman) November 5, 2024
Рахман не даде повеќе контекст за тоа како неговиот извор ги знае интернет навиките на 10.000 севернокорејски војници испратени од Ким Џонг Ун да ги поддржат воените напори на Путин.
„Колку и да звучи забавно, не можам да потврдам никакви севернокорејски интернет навики или виртуелни ‘воннаставни активности’ во Русија“, изјави за Task and Purpose портпаролот на Министерството за одбрана, потполковник Чарли Диц.
