Поранешната ѕвезда на НБА Пол Пирс беше отпуштен од ESPN за недолично однесување затоа што вечерта пред Велигден на Instagram вршеше пренос во живо од забава со егзотични танчарки, очигледно под влијание на опијати.
Вториот најдобар стрелец во историјата на Бостон Селтикс ја заврши својата играчка кариера во 2017 година, по што соработуваше со ESPN како кошаркарски аналитичар и инсајдер и редовно се појавуваше во таа улога во програмата на НБА лигата.
Американските медиуми објавија дека ESPN ја раскинал соработката со Пирс, но тој не мораше да чека долго за понуда за нова работа, иако на малку поинаква платформа.
Дечките од порно страницата CamSoda сакаат Пирс да стане нивниот прв кошаркарски аналитичар, кој би зборувал за теми околу НБА лигата, додека во позадина транцуваат (поолу)голи девојки. За тој ангажман му нудат 250.000 американски долари.
„Имаме многу егзотични танчерки, cam-девојки и сексуални работници во CamSoda и со задоволство би ја удоволиле Вашата наклонетост кон жените, па ќе можете слободно да вршите пренос додека девојките тверкаат во позадина“, напиша заменик-претседателот на веб-страницата, јасно алудирајќи на сцената во која се прикажа Пирс.