Во одделот за персонализација на Porsche подготвија дополнителна пакет опрема за купувачите на новото Porsche 911 Turbo S чијашто испорака започнува во втората половина на оваа година.
Пред да се обратат во некои од многубројните компании за тјунирање, купувачите коишто сакаат поинакво Porsche можат да се обратат на ентузијастите кои работат во одделот Porsche Exclusive, а тие ќе им понудат неколку елементи за персонализирање на новиот модел 911 Turbo S. Основната цена на овој модел во Германија изнесува 218.212 евра.
На фотографиите може да се забележи најмоќниот модел од серијата 991 опремен со црни елементи со висок сјај околу стаклата, а на каросеријата се истакнува новиот комплет со двобојни 20 и 21-инчни алуминиумски фелги.
За деталите во кабината не се потребни дополнителни додатоци, а како дополнителен пакет ќе биде и Lightweight Package кој вклучува инсталирање на задни седишта и полесни стакла.
Новото 911 Turbo S го придвижува 3,8-литарски 6-цилиндричен бит турбо боксер мотор кој произведува 650 коњски сили и 800 Nm максимален вртежен момент.