Во последно време се појавија гласини дека Porsche работи на новиот Taycan, a германската компанија неодамна изјави дека нешто ново ќе пристигне на Меѓународниот саем на автомобили во Минхен наредниот месец.
Актуелниот Taycan остварува неверојатни резултати и е најпродаван модел во однос на моделите 911 и 718 заедно.
Подобрениот модел ќе има подобро управување со температурата и функциите на полнење, Turbo Charging Planner сега ја загрева батеријата на малку поголема температура и се овозможува поголема стапка на брзо полнење, а истовремено се користи дополнителна топлина од електричните компоненти за да се унапреди регулирање на температурата на батеријата.
Porsche ја прошири и палетата со неколку одлични бои и сега се достапни дури 65 дополнителни бои, вклучувајќи ги и Moonlight металик сина, Acid зелена, Rubystar, Riviera сина и металик виолетова.
Новата верзија официјално пристигнува во септември.