Германскиот автомобилски гигант Porsche ја заврши 2018 година со рекордни резултати, во поглед на приходи, број на произведени автомобили и на работна сила. Токму затоа реши да ги награди вработените.
Во компанијата Porsche исклучително многу се гордеат со своите вработени. Бонусите што ќе ги добијат вработените се резултат на нивниот придонес и преданост.
Бонусот се состои од два дела: околу 9.000 евра како бонус за ефикасност и уште 700 евра како додаток во пензионерскиот фонд Porsche Variorente.
Да, околу 25.000 редовно вработени ќе добијат по околу 9.700 евра бонус во зависност од стажот и поминатите работни часови. Бонусот ќе го обијат на сметка со следната плата.
Лани вработените во Porsche добија бонус за 2017 година во износ од 9.565 евра.
2018 година за Porsche низ бројки
Компанијата во 2018 година го зголеми бројот на испораки за 4% на 256.255 автомобили и притоа го зголеми приходот за 10% на 25,8 милијарди евра.
Исто така, нето оперативниот приход се зголеми за 4% на 4,3 милијарди долари, а повратот на инвестиции изнесуваше 16,6%. Бројот на вработени во Porsche се зголеми за 9% на 32.325 работници.