Поранешниот тренер на Шахтјор Доњецк, Пауло Фонсека, потпиша двегодишен договор со Рома и утрово го официјализираше неговиот ангажман во италијанскиот прволигаш. Тој потпиша двегодишен договор со клубот од Рим.
Раководството на Рома го отпушти Еузебио Ди Франческо откако клубот беше елиминиран од Порто во осминафиналето од Лигата на шампионите, а на неговото место дојде Клаудио Раниери, кој само ја заврши сезоната и потоа ја раскина соработката. Сега, од Пауло Фонсека се очекува да започне нова ера на римскиот клуб.
„Со задоволство ви го најавуваме официјализирањето на договорот со Пауло Фонсека, кој од денеска е нов тренер на Рома. Четириесет и шестгодишниот Португалец ќе седне на тренерската клупа од следната сезона, потпишувајќи двегодишен договор со клубот. Во договорот е вклучена и трета сезона, која раководството може да се одлучи да ја активира по крајот на втората сезона“, пишува во соопштението на Рома.
Фонсека е млад и амбициозен тренер кој се наоѓа во фокусот на вниманието на неколку европски клубови веќе неколку години, како резултат на неговите успеси со Шахтјор Доњецк, каде што импресионираше со тактичката стабилност и иновативноста.
Пред да работи во Шахтјор, Пауло Фонсека го градеше името во домашната Португалија, каде ги предводеше тимовите на Брага и Порто.