Португалските власти соопштија дека трката во Портимау ќе се одржи со гледачи. Големата награда на Формула 1 ќе се одржи во Португалија од 23 до 25 октомври, пренесува Grandia.
Патеката „Алгарве“ е со капацитет од 100 илјади гледачи и за прв пат ќе организира трка во Ф1. Се очекува капацитетот, сепак, да биде далеку помал, со оглед на околностите.
Организаторите на трката „Нирбургринг“ исто така се надеваат дека навивачите ќе можат да присуствуваат на настанот. Германската етапа од Ф1 е планирана за периодот 9-11 октомври.
По три трки од почетокот на сезоната во Формула 1 доминираат возачите на Мерцедес кои забележаа три победи. Две Луис Хамилтон и една Валтери Ботас.