68- годишен маж од Њу Џерси за локалната телевизиска станица раскажал дека освоил 24,1 милиони долари на лотаријата во Њујорк.
Џими Смит од Њју Џерси истакнал дека додека ги гледал вечерните вести на телевизија забележал прилог во кој станувало збор за награда од 24,1 милиони евра која се уште не била подигната, а некој ја освоил на 25 мај 2016 година.
„Тоа ме натера да ги разгледам тикетите кои се наоѓаа во мојот џеб од кошулата закачена во шкафот. Забележав голем број на тикети кои сум ги уплатил, вклучувајќи и неколку добитни. Стоев така една минута размислувајќи: „Го гледам ли она што навистина мислам дека е?“. Го отворив прозорецот и зедов малку свеж воздух. Навистина ми беше сомнително. Морав да се уверам дека е навистина така“, изјавил Смит за американските медиуми.
Тикетот на Смит, кој го купил во продавницата Рен во местото Трибек, имал добитна комбинација од броеви - 5-12-13-22-25-35.
Смит е татко на две деца и има 12 внуци. Изјавил дека игра лотарија уште од шеесеттите години на минатиот век, но никогаш не се брзал да ги провери своите тикети.