Сите понекогаш губиме интерес за секс, но што вели науката за падот на либидото кај жените во врска?
Стрејт жените генерално повеќе не сакаат да имаат сексуални односи со својот партнер по само една година врска, а четири пати поголема е веројатноста да не сакаат да поминуваат страсни ноќи со партнерот отколку жените кои биле во пократки врски, покажала студијата спроведена на англискиот универзитет во Саутемптон.
Сепак, тоа не важи за хетеро мажите - нивниот сексуален интерес за партнерката не опаѓа со текот на времето.
Во истражувањето учествувале повеќе од 11.500 испитаници, а меѓу нив, повеќе од една третина од жените изјавиле дека нивниот интерес за секс исчезнал, за разлика од само 15 отсто од мажите.
Истражувањата покажаа дека и мажите и жените имаат проблем со сексуална незаинтересираност поради некои лоши искуства од минатото, а убијци на страста се лошото ментално или физичко здравје и сексуално преносливите инфекции.
За недостатокот на сексуален нагон е „виновно“ и мајчинството. Жените со едно или повеќе деца се половина помалку заинтересирани за сексуалниот живот од оние без деца. Многу родители изјавиле дека нивните деца им го уништиле сексуалниот живот, бидејќи често ги прекинувале во клучен момент. Пред сè, по породувањето, сексот понекогаш е болен за жените, а со грижата за доенчето тие се премногу исцрпени за страсни ноќи.
Експертите за врски, сепак, велат дека паровите треба да поминуваат време заедно и да се трудат да бидат интимни дури и ако не се навистина расположени за секс на почеток.
