Аргентинскиот фудбалер Емилијано Сала кој трагично загина во авионска несреќа, денеска беше погребан во родниот град.
Сала беше кремиран околу 15 часот и 30 минути по локално време, по свеченото збогување во гратчето Прогресо во близина на Санта Фе.
Голем број сограѓани, фанови, пријатели и членови на семејството дојдоа да се збогуваат со 28-годишниот фудбалер и му дадоа последен аплауз додека го изнесуваа ковчегот од клубот од неговото детство Атлетико и Сосијал Сан Мартин.
Сестрата на Сала, Ромина, не можеше да ги спречи солзите кога виде како присутните го испратија брат ѝ.
На погребот присуствуваа менаџерот на Кардиф Нил Вернок и извршниот директор Кен Чо. Кардиф беше клубот каде Сала направи трансфер од Нант, но никогаш не заигра таму.
Утврдено е дека Сала починал од удар на главата и телото во авионската несреќа на 21 јануари. Телото беше најдено минатата недела на дното на Англискиот Канал, заедно со остатоци од авионот. Телото на пилотот уште не е најдено.
