Барселона славеше против Депортиво Алавес со 3:1 и го освои трофејот во Купот на Кралот. Натпреварот во Мадрид, на „Винсенте Калдерон“, беше последен кој се одигра на овој легендарен стадион.
Каталонците ривалот од Баскија го „скршија“ во последните три минути од првиот дел. Барселона го освои својот 29 трофеј во Купот, тренерот Луис Енрике со победа се прости од Барселона, а Лео Меси и Андрес Иниеста го освоија 30 трофеј во импресивните кариери.
Барселона го отвори резултатот по половина час игра со голот на Меси, а само три минути подоцна израмни Тео Ернандес.
Но, во финишот на првиот дел Барселона го реши победникот. Најпрвин Нејмар, од сомнителна позиција, погоди во 45 минута, а три минути подоцна конечниот резултат го постави Пако Алкасер.