Американската актерка и поранешна ѕвезда на ТВ-серијата Baywatch Памела Андерсон се разведе од петтиот сопруг, Џон Питерс, могул во филмската индустрија.
Таа стави точка на петтиот брак по само 12 дена поминати во брачна заедница. Андерсон (52) и Питерс (74) се венчаа на 20 јануари во Малибу, а на 1 февруари таа веќе поднесе барање за развод.
Сега Питерс ја открива вистинската причина за разводот, по ПР соопштението со нејасна содржина и заобиколување на вистината со фрази како „ Животот е патување, а љубовта е процес“.
„Не морам ни да ви кажам дека кога ми напиша порака дека сака да се омажи за мене, тоа беше како остварување на мојот сон, иако во тој момент бев свршен со друга жена и таа дама требаше да почне заеднички живот со мене. Оставив сѐ поради Пем. Имаше долгови во висина од речиси 200.000 долари и немаше никакви приходи за да може да ги врати. Јас сѐ платив, а таа ми врати со развод. Ова е нејзиното ‘фала’. Нема подобра будала од стара будала“, откри Питерс.
Претставник на актерката соопшти дека ваквите тврдења на Питерс се „неточни и злобни“.
Андерсон и Питерс зад себе имаат по четири брака. Актерката и активистка беше во брак со Томи Ли, Кид Рок и два пати со Рик Саломон.