Снимка со актерот Мајкл Даглас како држи говор беше објавена на Instagram профилот на милијардерот и поранешен градоначалник на Њујорк Мајкл Блумберг кој влезе во трката за претседателски кандидат на Демократската партија.
Мајкл Даглас во неговото обраќање пред симпатизери на Блумберг во Медисон, Висконсин, рече дека последните зборови на татко му, Кирк Даглас, биле упатени токму како поддршка за Блумберг како претседателски кандидат.
Актерот прво им се заблагодари на присутните за испратените позитивни мисли и молитви за неговиот татко, а потоа откри дека пред да почине, Кирк Даглас го пофалил Блумберг како кандидат за претседател на САД.
„Не знам дали се шегуваше или не, ама меѓу неговите последни зборови што ми ги кажа во болница беа: „Мајк може да го направи тоа“, рече Мајкл Даглас.
Блумберг е еден од 11-те кандидати кои се натпреваруваат за кандидатура за претседателските избори во САД.
Славниот актер Кирк Даглас, кој почина минатата недела на 104 години, беше жесток критичар на актуелниот претседател Доналд Трамп и истакнат поддржувач на демократите.