Ракомет

Последно УРА во Скопје: Вардар триумфираше пред домашната публика

25. април 2019 - 22:05 | МИА/КАЈГАНА

Ракометарите на Вардар со осум голови разлика го совладаа унгарскиот клуб ПИК Сегед.

Екипата на Вардар го совлада ПИК Сегед со 31-23 (14-12) во четвртфиналето на ракометната Лига на шампиони и со тоа си обезбеди добра предност пред реваншот во Унгарија.

Тимот на Роберто Гарсија Парондо беше инспириран од неверојатната атмосфера којаја направија македонските навивачи во преполната „Јане Сандански“, играа креативно во нападот и покажаа агресивност во одбраната.

Унгарците на неколку наврати успеваа да ја намалат резултатската разлика, но не и да поведат, а на крајот поразот беше и повеќе од убедлив.

Карачиќ и Кристопанс со по 8 погодоци беа најпрецизни за вардарци, додека кај гостите се истакна Банхиди со 5 гола.

За тимот на Вардар ова беше последен натпревар во Скопје, а при позитивен резултат на гостински терен на 5 мај, „црвено-црните“ ќе си обезбедат пласман на „Фајнал Фор“ турнирот во Келн, закажан за 1 и 2 јуни во „Ланксес“ арената.

Коментирај