По повод празнувањето на муслиманскиот празник Курбан Бајрам низ главниот град се поставени посебни контејнери за одлагање на органскиот отпад.
Вкупно 17 специјални садови наменети за одлагање на органскиот отпад од денеска па до сабота ќе им бидат на располагање на верниците на различни локации низ Скопје.
„Град Скопје и ЈП 'Комунална хигиена' апелираат до верниците својот органски отпад да го одлагаат исклучиво во поставените садови, затоа што неговото фрлање на јавни површини може сериозно да го загрози јавното здравје и да ја загади животната околина“, порачуваат градските власти и претпријатието задолжено за хигиената во градот.
Контејнерите се поставени во местата кај живее поголем број на население од исламска вероисповед, односно на следниве локации:
Општина Шуто Оризари:
- автобуска станица на последна 19-ка
- кај маркет Харбин
- до подвозникот
- во близина на Хамдипашината џамија
- кај Спортскиот центар
Општина Бутел:
- во близина на џамијата Фетах Ефенди
- во близина на џамијата Бедр - Бутел 1
Општина Гази Баба:
- во близина на џамијата Сингелиќ
- стадион Гази Баба
Општина Чаир:
- поранешна локација на ЈПХКС
- во близина на ресторанот Fa & Fa
- во близина на новата џамија во Чаир
- во близина на Теќето во Дуќанџик
- кај поранешното седиште на Скопското муфтиство на Кале
Општина Сарај:
- кај старата Општина Сарај
- во близина на џамијата во Средно Нерези
Утрешниот празник Курбан Бајрам е неработен за сите муслимански верници во државава.
