Постои ли барем еден незаменлив фудбалер во Манчестер Јунајтед?

Вчерашниот катастрофален пораз од Евертон ги отвори очите на навивачите на Манчестер Јунајтед дека не е сѐ така розово во нивниот клуб. Голем дел од играчите не се во најдобра форма, а клучните поединци изгледаат како да не се целосно фокусирани и посветени на клубот, туку со мислите веќе се во летниот преоден рок.

Јунаците се познаваат на мака, би рекол народот. Но, вчера немаше јунак во составот на Манчестер Јунајтед, туку бледата партија на тимот беше резултат на летаргичната игра на секој поединец на „црвените ѓаволи“. Овој проблем мора да биде решен, без разлика на тоа кој од играчите ќе биде продаден или ставен на клупа.

Веќе две години Манчестер Јунајтед живее во неизвесност поради тоа што Давид Де Геа одбива да потпише долгорочен договор. Тој изгледа деконцентриран и многу почесто прави киксови кои го чинат тимот бодови, а долгорочниот план за клубот не може да се прави без да се одговори прашањето: Дали Де Геа ќе потпише нов договор или ќе си замине?

Навивачите вчера бараа одговор од шпанскиот голман откако тој им се извини за лошата игра на тимот. Тие го предупредија Де Геа дека не треба да „си игра“ со клубот и навивачите, па му препорачаа дека треба да што поскоро да избере дали сака да потпише нов договор со Јунајтед или да го извести раководството дека е време за промена на тимските бои.

Покрај него, тука се уште неколку неизвесности. Пол Погба е на прагот веќе втора сезона, двоумејќи се дали ќе остане во клубот или ќе бара некои други, посјајни пасишта, како Барселона, ПСЖ или Реал Мадрид. Променливата форма на Ромелу Лукаку ја прави тешко одлуката дали тој треба да биде задржан, откако беше купен од Евертон за прилично солена сума. Целиот среден ред е под закана да биде продаден, а Алексис Санчез би си заминал од клубот уште веднаш, доколку некој друг клуб сакаше да ја плати неговата огромна плата.

Оптимистичкиот старт на Оле Гунар Солскјер во првите два месеци изгледаше дека е токму она што му треба на Манчестер Јунајтед по неколкуте бурни последни месеци на Мурињо на кормилото на тимот. Ама оттогаш резултатите стивнаа, очекувањата се нормализираа и ова е повторно истиот Јунајтед – оној кој веќе се навикна на играње во Лига Европа. Барем од Жозе Мурињо знаевме што да очекуваме – постојано купување на фудбалери кои се во нивната полна играчка зрелост и обезбедување на минимални, тешко извојувани победи. Со Солскјер работите се поинакви; не подобри или полоши, туку поинакви. Тој негува различен стил на фудбал, преферира различен тип на играчи и има далеку помалку искуство со менаџирање на кризни ситуации.

Освен Маркус Рашфорд, дали постои барем уште еден играч кој е незаменлив во составот на Манчестер Јунајтед? Веројатно не. А тоа најчесто значи дека на тимот му е потребен поголем ремонт отколку што првично се очекуваше. Во моментов сме далеку од гледање на моќен, шампионски состав на Манчестер Јунајтед, но со неколку промени во играчкиот кадар и поголема стабилност во стручниот штаб, овој клуб би можел да се бори за самиот врв во Премиер лигата. Ама за тоа се потребни промени.

реклама

Со едноставен водоводџиски трик ослободете се од смрдеата од одводот

Read more

Трик со омекнувачот за облеката да мириса убаво и до седум дена

Read more

Во која храна ги има трите минерали најважни за тироидната жлезда?

Read more

Марула - ја сметаме за најобична салата, а лечи болести и помага при слабеење

Read more

Фудбал

Родри една година не доживеал пораз

Read more

Меси: Ќе се пензионирам кога ќе престанам да уживам во играта

Read more

Фудбалот во втор план: Стадионот на Фулам ќе има ложи со базен

Read more

Мхитарјан - фудбалерот полиглот со завршени два факултета

Read more
 

Спорт

Родри една година не доживеал пораз

Читај повеќе

Меси: Ќе се пензионирам кога ќе престанам да уживам во играта

Читај повеќе

Фудбалот во втор план: Стадионот на Фулам ќе има ложи со базен

Читај повеќе
  • play_arrow

Мхитарјан - фудбалерот полиглот со завршени два факултета

Читај повеќе
  • play_arrow

Најдобрата единаесетка на 21. век

Читај повеќе
  • play_arrow

Бразилците лути по ремито во Мадрид: Без ВАР, повеќе нема да играме пријателски натпревари

Читај повеќе
  • play_arrow

Роналдо повторно има нова ѕверка, со моќен мотор

Читај повеќе

Ангеловски распали по ФФМ и Милевски: Наместо подобрување, со својата нестручност ја растурија најдобрата генерација

Читај повеќе

Ѓоковиќ и Иванишевиќ ја прекинаа соработката

Читај повеќе