Хроничниот стрес е многу поголем здравствен проблем отколку што може да претпоставите.
Неодамнешните истражувања објавени во научното списание Biological Reviews укажуваат дека емоционалниот притисок може да доведе до деменција или Алцхајмер.
Ментален тренинг
Хроничниот стрес е поврзан со низа физички и ментални состојби, вклучително и депресија, срцеви заболувања и дијабетес. Ново истражување за мозокот направено во Институтот за човечки когнитивни науки „Макс Планк“ нуди нова стратегија за намалување на хроничниот стрес за околу 25% по шест месеци.
Авторите на студијата наведуваат дека менталниот тренинг што е заснован на медитација може многу да помогне во намалување на хроничниот стрес. Не е прв пат да се препорача медитацијата како одличен начин за опуштање бидејќи умот е исклучително тешко да се смири. Препорака е мислите да се блокираат на неколку моменти.
Долгорочна стратегија
Истражувачки тим заклучи дека редовната медитација го намалува нивото на хормонот на стрес, кортизол во косата. Кортизолот е еден од главните хормони што телото ги ослободува кога сме под стрес, а ни помага да одржиме енергичност и будност на организмот.
Едноставно кажано, колку повеќе кортизол има во косата толку повеќе е присутен хроничниот стрес во нашиот живот. Долгорочната стратегија за отстранување на стресот е медитацијата која бара сериозна посветеност.
