Политичката партија Левица преку социјалните мрежи повторно ја алармираше јавноста за формирање на нелегални депонии на територијата на скопската општина Аеродром.
Во објавата на Левица се нааведува дека и покрај ветувањата на градоначалникот на Општина Аеродром, Тимчо Муцунски, за чистење на дивите депонии, жителите се сведоци на сѐ почесто никнување нови диви депонии кои со месеци не се чистат.
„Локалната власт засега не успева да се справи со овој нерешлив проблем, со кој се деградира целиот нејзин труд и средства на жителите што се потрошени за чистење на старите диви депонии во минатото“, објави Левица, приложувајќи фотографии од дивата депонија во Долно Лисиче која е обновена и повторно го загрозува здравјето на жителите.
СЀ ПОЧЕСТОТО НИКНУВАЊЕ НА НОВИ ДЕПОНИИ НЕРЕШЛИВ ПРОБЛЕМ ЗА ОПШТИНАТА 🚨 И покрај ветувањата на градоначалникот на О....
Posted by Левица - Аеродром on Monday, October 24, 2022
Левица пред една недела алармираше за нова дива депонија во Ново Лисиче и од партијата укажуваат дека градоначалникот Муцунски сѐ уште нема иницирано нејзино чистење.
„Јавно го повикуваме градоначалникот Тимчо Муцунски да преземе акции за чистење на оваа и други диви депонии и да создаде услови за инспекторските служби да бидат на висина на задачата и со поголемо делување на терен да се превенира оваа појава на нови депонии“, стои во објавата.
