Македонија

Посвежо време, за викендот утрински температури околу нулата

20. септември 2019 - 8:01 | МИА

Скопје, 20 септември 2019 (МИА) – Посвежо време со умерен до засилен северен ветер се очекува денеска во државата.

Претпладне ќе биде умерено облачно, а попладне облачноста ќе се намалува. Минималната температура ќе се спушти меѓу 8 и 16 степени, а максималната ќе достигне до 25°C.

Во Скопје слично време со утринска температура до 11 степени и дневна до 21 степен.

За време на викендот и во понеделник синоптичарите најавуваат стабилно време со ниски утрински температури, кои на места ќе бидат околу нулата.

Веќе од вторник се очекуваат нови врнежи од дожд.

Коментирај