Брод со 170 туристи потона во вештачко езеро во Гуатапе, во северозападниот дел на Колумбија. Засега се потврдени девет жртви, а 30 се водат како исчезнати.
Властите соопштиле дека сè уште не се знае причината за потонувањето на бродот.
Според претставник од Националниот центар за управување со кризи, Карлос Иван Маркез, сите жртви се Колумбијци, а меѓу нив нема деца.
„Бродот потона многу брзо. Сè се случи за пет минути“, изјавил капетанот на противпоражната служба Луис Бернардо Моралес.
Градот Гуатапе прогласи тридневна жалост поради несреќата.
На објавеното видео се гледа како бродот тоне, а кон него се упатуваат чамци за спасување. Се гледа како луѓе скокаат од третиот кат кога бродот почнал да тоне.
Преживеаните туристи рекле дека на бродот имало повеќе луѓе од дозволеното, како и дека немало појаси за спасување.
