Викториа Вижаруел застана во одбрана на аргентинскиот фудбалер Енцо Фернандес по скандалозното видео од прославата на освојувањето на Копа Америка.
Енцо Фернандес и неколкумина други аргентински играчи беа снимени како пеат песна исмевајќи ја репрезентацијата на Франција во која повеќето играчи се со потекло од поранешните француски колонии во Африка. Всушност, видеото го објави самиот Енцо.
„Играат за Франција, но нивните родители се од Ангола. Мајка им е од Камерун, а татко им е од Нигерија. Во нивниот пасош пишува Франција“, пееја аргентинските фудбалери.
Најголема критика доби токму Енцо Фернандес, кој игра за Челси, каде неговите соиграчи Аксел Дизаси, Мало Густо и Весли Фофана веднаш го отследија Аргентинецот на Instagram.
Во негова одбрана застана потпретседателката на Аргентина, Викториа Вижаруел.
„Аргентина е суверена и слободна земја. Никогаш немавме колонии или граѓани од втор ред. Никогаш никому не го наметнувавме нашиот начин на живот. Но, нема да толерираме ниту да ни го прават тоа. Аргентина беше направена со потта и храброста на Индијанците, Европејците, Креолите и црнците како Ремедиос дел Важе, наредникот Кабрал и Бернардо де Монтеагудо. Ниту една колонијалистичка земја нема да нѐ заплаши за некоја песна или за кажување на вистините што тие не сакаат да ги признаат. Престанете да глумите огорченост, лицемери. Енцо, јас те поддржувам, Меси, ти благодарам за сѐ! Аргентинците секогаш со крената глава! Да живее Аргентина!“, објави Виљаруел на нејзиниот профил на X.
Argentina es un país soberano y libre. Nunca tuvimos colonias ni ciudadanos de segunda. Nunca le impusimos a nadie nuestra forma de vida. Pero tampoco vamos a tolerar que lo hagan con nosotros. Argentina se hizo con el sudor y el coraje de los indios, los europeos, los criollos y… pic.twitter.com/Wkevi8TrVO
— Victoria Villarruel (@VickyVillarruel) July 17, 2024
Франција била најголема колонијална сила во Африка, а најголемиот дел од денешните држави на овој континент својата независност ја стекнале токму од Франција. Со децении Фрнација се соочува со огромен наплив на имигранти од поранешните колонии, што резултира и со драстично зголемена стапка на криминал во земјата.
ФИФА има отворено истрага за случајот, а интерна постапка има покренато и Челси против својот фудбалер.
