Видеото од говорот на Јеонми Парк која успеа да побегне од Северна Кореја го шокира светот. Многумина знаат дека во оваа земја тешко се живее, но приказната на оваа девојка откри нови детали.
Нејзиниот конзервативен живот без слобода почнал да се менува кога бил уапсен нејзиниот татко и осуден на 17 години затвор поради трговија со метали преку граница. Нејзината мајка исто така била одведена, а Јеонми тогаш имала 9 години и останала да живее со 11-годишната сестра. Децата избегале во планина и живееле од билки во шума. По три години мајката била ослободена, како и таткото кој боледувал од тумор. Додека Јеонми била во болница нејзината сестра тајно избегала, а семејството почнало да ја бара. Тогаш почнува нивната борба за преживување и слобода.
Како што вели девојката, во Северна Кореја има само еден ТВ канал, нема интернет. Жителите не смеат да пеат, зборуваат или да се облекуваат како што сакаат. Патот до слобода е вистинска голгота, тие ја минале суровата пустина Гоба следејќи ја светлината на ѕвездите.