Двајца израелски војници кои се бореле на палестинска територија решиле да ја напуштат израелската армија поради злосторствата извршени во Газа, особено врз децата. По напуштањето на војската проговорија за шокантни сведоштва.
Исповедите беа објавени во арапскиот весник راي اليوم (Раи ал-Јум) во неговото неделно издание.
Војниците, по име Макс Фриш и Мајкл Офер Зив, се приклучиле на израелската армија по почетокот на војната во Газа на 7 октомври 2023 година, но решиле да ја напуштат армијата неколку месеци подоцна за, како што ја опишаа, „чиста одмазда“ во Газа, а не „егзистенцијална војна“ како што тврдат израелските власти, пренесува лондонскиот весник на арапски јазик.
„Ми беше кажано дека убивањето деца е религиозна должност, бидејќи кога ќе пораснат, тие ќе станат терористи“, рече Фриш, додавајќи дека отсекогаш се обидувал да му служи на Израел, но решил да се повлече од војската откако го видел неуспехот на сегашната влада да ги исполни своите обврски.
Другиот војник, Мајкл, зборуваше за расистичкиот и дискриминаторски однос кон Палестинците.
„По 7 октомври, многу Израелци чувствуваат дека Палестинците повеќе не се луѓе“, рече тој, додавајќи дека таквиот начин на размислување ги одвраќа офицерите да ги казнуваат своите војници, особено кога ограбуваат или уништуваат палестински имот.
Повикувајќи се на израелскиот весник יְדִיעוֹת אַחֲרוֹנוֹת (Једиот Ахронот), Раи ал-Јум во својот извештај го наведе случајот на израелски пилот кој извршил самоубиство поради психолошките шокови предизвикани од војната во Газа.
Пилотот, по име Асаф Даган, си го одзел животот по 20 години служба во израелската армија, според неговата мајка.
Раи ал-Јум во својот извештај наведува дека многу израелски војници прибегнале кон медиумите надвор од окупираните територии за да ја откријат вистината поради цензурата од воениот режим кој се обидува да го оправда убивањето цивили во Газа.
