Вилијамс и официјално го потврди ангажманот на американскиот возач Логан Сарџент за следната сезона во Формула 1.
Сарџент на тој начин го замени Николас Латифи и ќе му биде колега на Алекс Албон во новата сезона. Американецот влезе во последната трка од сезоната во Формула 2 со цел да собере 10 бода на Супер лиценцата за да може да се натпреварува во Формула 1, а тоа го постигна со обезбедувањето на четвртата позиција во конечниот пласман кај возачите.
Така, Сарџент ќе стане првиот Американец во Формула 1 по Александер Роси во 2015 година.
„Ова е остварување на сонот и многу ми е чест што добив можност да се натпреварувам во Формула 1 за Williams Racing. Ви благодарам на сите за поддршката што ја имав од првиот ден“, рече Сарџент.
Тој веќе го возеше болидот на Вилијамс на тренинзите во Остин, Мексико, Бразил и Абу Даби, а во вторник ќе биде тестиран на Yas Marina.
