Легендарниот фудбалер Франческо Тоти повеќе не ја крие врската со 34-годишната Ноеми Боки, а заедно се снимени на неговата роденденска забава пред неколку дена.
Веста за разводот на Тоти од Илари Блази го обиколи светот, а се разделија по повеќе од две децении. Поранешниот италијански ас јавно призна дека неверството на сопругата го уништило бракот, по што паднал во депресија.
Но, вели дека закрепнал брзо па сега го обновува животот покрај Ноеми Боки која досега е непозната за јавноста. Италијанските медиуми открија дека Боки е страсна навивачка на Рома, а нејзиниот Instagram профил е приватен, па засега нема многу детали за нивната врска.
Иако не е јавна личност, Италијанците открија дека дипломирала економија и банкарство на приватен факултет, а се занимава со декорирање и цвеќиња. Разведена е, од претходниот брак има две деца.
На 27 септември Тоти го прослави 46 роденден и официјално ја претстави новата партнерка. Италијанскиот магазин Diva ексклузивно ги објави нивните заеднички фотографии.
Интересно е тоа што прославата беше одржана во ресторанот во кој Тоти пред две децении ја запроси Илари Блази.