Компанија од Калифорнија најави дека наскоро ќе започне со производство на првиот летечки автомобил.
Alef Aeronautics го претстави летечкиот автомобил Alef Model A претходно оваа година, што предизвика огромен интерес. Сега објавија дека досега добиле над 3.200 нарачки за овој модел кој има почетна цена од околу 300.000 долари.
PUCARA Aero и MYC со искуство во производство на делови авиоиндустријата за Boeing и Airbus започнаа заедничко вложување и потпишаа договор за производство на делови за Alef. Првите примероци на овој летечки автомобил треба да бидат произведени до крајот на следната година.
Калифорниската компанија поддржана од Space X на Маск го претстави својот прв автомобил на почетокот на оваа година - Model A. Тоа е двосед кој функционира како електричен автомобил опремен со четири електрични мотори во режим за патишта.
Во подот под телото на каросеријата има осум пропелери. Во режимот лебдење, кабината се ротира за 90 степени, така што предниот и задниот дел на возилото служат како крило. Според најавите на производителот, автомобилот треба да може да помине до 320 километри на пат и до 180 километри во воздух.
За потсетување, минатата година Федералната управа за авијација му додели на Alef специјален сертификат за пловидбеност и му дозволи да лета за ограничени цели. Одделно, Alef работи на автомобил за четири лица, моделот Z, кој треба да биде лансиран до 2035 година по цена од само 35.000 американски долари.
