Скопје, 2 јули 2022 (МИА) – Според податоците на Државниот завод за статистика, во градските подрачја во земјава минатата година живородени се 11.224 деца или 60.2 % од вкупниот број на живородените деца, додека 7.424 или 39.8% се во селските подрачја.
Најголемо учество во однос на вкупниот број раѓања по региони има Скопскиот со 38.9 %, а најмало Источниот регион со 6.3 %.
Просечната возраст на мајката при вкупниот број раѓања во градските подрачја е 29,9 години, а во селските подрачја 28,4 години. Просечната возраст кај првите раѓања во градските подрачја е 28,3 години, а во селските подрачја 26,0 години. При првото раѓање, мајката од селските подрачја е помлада за 2,3 години.
Во градските подрачја умреле 17.955 лица или 63,0 %, а 10.561 лице или 37,0 % умреле во селските подрачја. Најголемо учество во однос на вкупното број умрени лица, по региони, има Скопскиот со 30,6 %, а најмало Вардарскиот регион со 8,3 %. Во градските подрачја има 54 умрени, додека во селските подрачја 31 доенче.
Просечната возраст на умрените лица во градските подрачја е 73,2 години, а во селските 73,3 години.
Природниот прираст кај населението e негативен и во градските подрачја изнесува -6.731 лице, a во селските подрачја -3.137 лица.
Податоците за внатрешните миграции, во рамките на истиот регион, покажуваат дека најголемо учество од 37,9 % имаат преселбите од град во село, наспроти меѓуградските преселби со 9,4 %.
Во вкупните миграции на ниво на регион од град во село, најголемо учество има Источниот Регион со 49,2 %, додека во Полошкиот регион најголемо учество имаат меѓуселските преселби, кои учествуваат со 52,2 %.
Салдото на надворешните миграции е најголемо во Скопскиот регион, 1.296 лица, а најмало во Југoисточниот регион 51 лице.