Златан Ибрахимовиќ, кој наскоро ќе го прослави својот 41. роденден, и официјално го продолжи договорот со Милан на уште една година.
По сезоната во која миланскиот клуб ја освои титулата, шведскиот напаѓач направи операција на коленото поради што нема да може да се врати на терените до почетокот на 2023 година, а со Милан потпиша нов договор кој е со важност до 30 јуни следната година.
Минатата сезона Ибрахимовиќ одигра 27 натпревари на кои постигна 8 гола и асистираше за 3 гола, а вкупно има постигнато 92 гола на 158 настапи во дресот на Милан.
Златан се согласи и на значително намалување на платата. Досега добиваше 7 милиони евра годишно, а сега платата ќе му биде меѓу 1 и 1,5 милиони евра во зависност од бонусите кои зависат од бројот на голови и асистенции.
