На првиот тенисер во светот Новак Ѓоковиќ повторно му беше одбиена визата во Австралија.
По неколкудневна сага и одложување на одлуката, министерот за имиграција Алекс Хок ја поништи претходната одлука на Федералниот суд.
Ова го загрозува настапот на Ѓоковиќ на Австралија опен, кој стартува во понеделник, а на кој во првото коло треба да игра со Миомир Кецмановиќ.
Доколку Ѓоковиќ не поднесе жалба и ако неговата жалба не биде прифатена, ќе биде депортиран од Австралија.
Хок проговори и ја објасни одлуката.
„Го искористив моето овластување за Законот за имиграција за да ја поништам визата што ја имаше Новак Ѓоковиќ. Од здравствени причини и во име на редот, сѐ во јавен интерес. Оваа одлука уследи по наредбата на Федералниот и Окружниот суд кој од 10 јануари го поништи претходната одлука за укинување на визите. За време на оваа одлука, внимателно ги разгледав сите информации од Министерството за внатрешни работи, австралиските гранични сили. Владата на Морисон е цврсто посветена на заштитата на границите на Австралија, особено во време на пандемија“, објасни Хок.
Сега останува на Ѓоковиќ да поднесе жалба и да „купи време“.
