И оваа недела се одложени фудбалските натпревари во француската Лига 1 поради протестите на на „жолтите елеци“.
Дуелите помеѓу Ница – Сен Етјен и Нант-Монпелје што требаше да се играат во петокот и во саботата, се одложени за понатаму.
Натпреварите се одложуваат бидејќи полициските сили ќе бидат ангажирани на претстојните антивладини протести.
Во последниот круг, четири натпревари од највисокото ниво на францускиот фудбал мораше да бидат одложени.
Монпелје го зазема третото место во Лигата, со меч помалку од вториот во рангирањето – Лил. Сен Етјен и Ница се на шестото и седмото, додека Нант е рангиран на 13. место.