Околу 160.000 луѓе во Каталонија, Шпанија повторно се ставени под карантин додека властите се борат да го спречат ширењето на коронавирусот во овој регион.
Судијата ја одобри наредбата да се воведат рестриктивни мерки и во областа Љеида во Шпанија.
За 140.000 жители на Љеида и 7 општини во регионот Сегрија е издадена наредба да останат дома за да се спречи ширењето на вирусот.
Жителите можат да излезат само за да одат на работа, да купат храна или да одат во банка, пишува Metro.
Регионалните власти им препорачаа на луѓето во три квартови од предградието на Барселона, во кое живеат 260.000 луѓе, да не ги напуштаат нивните домови доколку немаат потреба.
Рестриктивните мерки во Шпанија беа укинати на 21 јуни. Повеќе од 28.000 луѓе починаа за време на пандемијата во оваа држава.
Откако ги укинаа рестриктивните мерки се појавија повеќе од 170 кластери низ целата држава, а со тоа регионалните власти воведоа низа нови рестрикции создавајќи паника и бес кај жителите и бизнисмените, пишува Reuters.
Каталонија стана првата шпанска покраина која воведе задолжително носење заштитна маска за сите жители и посетители, на сите јавни места и во секакви услови.