Добрите вести се секогаш добредојдени, особено ако се поврзани со малите херои од одделението за хемато-онкологија на Детската клиника во Скопје.
На социјалните мрежи министерот за здравство објави видео на кое се гледа како малиот херој Реџеп победоносно го огласува ѕвончето кое ја пренесува пораката – Го победив ракот!
„Реџеп има само три години и ги направил трите најважни работи во животот: храбар е, не плаче и ја победи болеста! Му посакувам секогаш да е жив, здрав и насмеан. Браво за Детска клиника, браво за целиот тим за третманот на нашите најмили! Гордост сте!“, напиша министерот за здравство Венко Филипче на неговиот Facebook профил.
