Малиот херој Ајан го победи ракот и го огласи ѕвончето на одделението за хемато-онкологија на Детската клиника во Скопје.
На социјалните мрежи Детската клиника објави видео на кое се гледа како малиот Ајан победоносно го огласува ѕвончето кое ја пренесува пораката – „Го победив ракот“!
„Ајан за Нова година ми шепна дека има само една желба - да си оди дома“, напиша министерот Филипче на неговиот Facebook профил.
„Конечно Ајан истрча и со нетрпение ѕвонеше на ѕвончето колку што може посилно, да слушнат сите дека оздраве и дека победи, но и дека сега ништо нема да го сопре! Браво Ајан! Благодарност до целиот медицински тим на Клиниката за детски болести, кои го даваат својот максимум за грижата за нашите најмали и најмили. Горд сум на вас!“, напиша Венко Филипче.
