Позитивна, насмеана, полна со живот, ведра, забавна, сигурна во себе – сето ова ја опишува жената Стрелец. Ја нарекуваат „мудар филозоф“ бидејќи е љубопитна и е во потрага по нови сознанија и откритија.
Обожава да води долги разговори и да расправа на сите теми, од политика и религија до секс – таа е слободоумна и за неа не постои табу тема. Искрена е, независна и отворена за нови искуства, па затоа има и многу пријатели.
Ја фасцинираат многу работи, особено од областа на етиката и филозофијата. Мрази ограничувања и рутина – жената Стрелец е флексибилна и го менува распоредот како што нејзе ѝ одговара. Нејзините најголеми маани се нечувствителност и површност.
Љубовта е вечна мистерија за жената Стрелец. Љубовта ја сметаат како награда за која мечтаат и како највредно, скриено богатство. Се плашат да не бидат повредени, па затоа за партнери ги бираат нивните најдобри пријатели.
Не сакаат монотонија, па не очекувајте дека во врската со неа ќе останете дома и ќе гледате филм. Сака да го дели животот со некој со кој е рамноправна, но и со партнер кој ќе сака да патува со неа.
Ќе го обожава партнерот, но ќе ја цени нејзината независност и ќе биде уште попривлечна со тоа. Жената Стрелец е страстна, обожава да пробува нови работи во спалната соба и да експериментира.
Ако сакате да се ослободите од предрасудите, тогаш ви треба пријателка родена во знакот на Стрелец која ќе ви помогне да го постигнете тоа. Таа е мајстор за водење интелектуални и поучни разговори, но е и најголемиот шегаџија во друштвото.
Нејзините најдобри пријатели се родени во знакот на Водолија или Вага.
Жената Стрелец ќе ја препознаете по големото чело, по начинот на кој се движи, по густите веѓи, долгиот нос и овалното лице. Слаби се и имаат прекрасно тело.
Сакаат памучна гардероба и облека во која ќе се чувствуваат удобно. Тие мечтаат за патување во далечни земји, а не да купат пар нови чевли. Сакаат да одат во шопинг, но го купувааат првото парче што ќе им се допадне, без размислување.