Македонската спортска јавност деновиве доживеа нова радост откако Димитар Ѓорѓиев стана светски шампион, но прослава ќе нема, ниту прием, бидејќи позлатениот кикбоксер е длабоко разочара од длабоката поделеност во Македонија.
Ѓорѓиев, кој во италијанското туристичко гратче Лидо Ди Јесоло се искачи на светскиот трон, всушност по четврти пат, преку Facebook се обрати до јавноста искажувајќи ја својата разочараност од политичката поделба на македонскиот народ. Разочаран е моменталната ситуација и поради тоа не му е дојдено до славење.
„Драги пријатели, другари и сите останати љубители на спортот. Пред сѐ од срце ви благодарам за целата поддршка и позитивна енергија што ја добив во изминатите неколку дена. За жал морам да ви соопштам дека за мене ова е најомразениот златен медал што сум го освоил до сега“, пишува тој.
Покрај четирите титули светски шампион, има и една титула европски шампион. Но, оваа последнава, како што вели, му е најомразена. Затоа и додаде дека не сака никакви пречеци и прослави, не при ваква поделеност настаната од локалните избори.
„Исто така сакам да ве известам дека не планирам да присуствувам на ниеден прием ни во Агенција за млади и спорт ниту на организираниот или планот за организиран пречек во Општина Неготино, сите мои гостувања и планирани интервјуа ќе бидат откажани, а досегашните ќе ве замолам да не ги објавувате. Овој медал го освоив бидејќи сакам спорт и си ја сакам татковината. Поделбата која што е неизбежна во Македонија јас не ја сакам и не сакам да бидам дел од неа!“, заврши Ѓорѓиев.