Телефонот Nokia 3310 беше најзборуваниот телефон на годинашниот Светски мобилен конгрес во Барселона. Сега легендарниот телефон доби претседателски третман.
Рускиот бренд Caviar лансираше специјално издание на новата Nokia 3310 и цената не е баш ниска.
Наречено Nokia 3310 ‘Supremo Putin’, специјалното издание е изработено од титаниум и има златен финиш со ликот на рускиот претседател Владимир Путин на задната страна.
Исто така има цитат од државната химна на Русија, а копчето Home е со грбот на Руската Федерација.
Nokia 3310 ‘Supremo Putin’ ќе ве чини „само“ 99.000 рубљи или приближно 1.700 долари.
Caviar велат дека специјалното издание е во чест на рускиот претседател.
Оригиналната Nokia 3310 беше лансирана во 2000 година, кога Путин за прв пат беше избран за претседател.
