Mercedes ќе ја претстави редизајнираната Е класа на 27 мај.
Како и сите останати премиери на новите модели кои се одржани во последно време, и оваа премиера ќе биде онлајн.
Mercedes на почетокот на мај ја претстави освежената Е класа, односно ги претстави новите лимузини и каравани, а дебито на купе и кабриолет ќе се случи кон крајот на овој месец.
Се очекува дека овие два модела ќе се разликуваат од актуелните варијанти со новиот дизајн на светлата и маската на ладилникот.
Што се однесува на внатрешноста, ќе има контролна табла со два споени екрана од 12,3-инчи кои изгледаат како голем таблет.
Покрај редизајнираната Е класа ќе ја претстават и унапредената верзија на спортскиот модел E53 AMG со 435 коњски сили и 530 Nm максимален вртежен момент.
