Русија и САД се договорија Украина и Русија да разменуваат воени заробеници, како и да запрат ракетните напади врз енергетскиот систем на Украина. Белата куќа објави соопштение во кое детално го опишува договорот меѓу двајцата претседатели.
Американскиот претседател Доналд Трамп и рускиот претседател Владимир Путин денеска телефонски разговарале околу час и половина, а откриени се првите детали од историски важниот разговор. По изјавата на руската страна набрзо по разговорите, се дозна дека за неколку работи разговарале претседателите на двете земји.
Како што дознава The Guardian, Русија и САД се договориле за размена на воени заробеници. Станува збор за 175 затвореници.
Русија, исто така, се согласи да го намали бројот на ракетни напади врз енергетскиот систем на Украина и нејзините клучни инфраструктурни објекти. Белата куќа објави соопштение.
„Разговорите ќе започнат на Блискиот Исток. Денеска, претседателот Трамп и претседателот Путин разговараа за желбата и потребата за мир и прекин на огнот во Украина. И двајцата се согласија дека е потребен траен мир. Тие ја истакнаа потребата за развој на билатералните односи меѓу двете земји. Овој конфликт никогаш не требаше да започне и требаше одамна да заврши.
Лидерите се согласија дека прекинот на огнот треба да започне со прекин на нападите врз енергетските системи, како и технички преговори кои вклучуваат прекин на огнот во Црното Море. Тие разговараа за Блискиот Исток како локација за преговори, како и за ситуацијата во тој дел од светот. Се согласија дека Иран не смее да биде во позиција да го уништи Израел. Се согласија да развијат подобри и посилни билатерални односи меѓу Америка и Русија. Ова вклучува економски договори и геополитичка стабилност“, се вели во соопштението на Белата куќа.
